jaman siki sekolah kuwe penting, tapi saking pentinge ngantikan akeh wong tua dadi kere dekle gara gara nyekolahna anake. tapi anake ora dadi apa apa, malah nganggur nang ngumah kur ngentong entongna sega seceting. bisane kaya kuwe sebabe sing jerene ora ana biaya sekolah sing jenenge es pepe, duit gedung, biaya kegiatan bar sekolah. siki wis ora ana tur ora olih nang pemerintah. tapi siki ana sing canggih, jenenge infak. saben ajaran baru, ana slebaran sing jerene infak sing kudu dibayar nang bocah sing sekolah. nah jajal diwaca ceritane kiye :
jiman : mad, kowe wis diwei duit nang ramamu apa urung nggo bayaran sekolah. nek aku tah ora bakalan bayar lah. jere ramaku nek ora bayar sekolah ora bakal dipenjara ikih.
jimin : sih lah. masa kaya kuwe ramamu gole ngomong mad. gobel banget ya ramamu. ujarku kur kowe tok sing gobel. ternyata kuwe anu keturunan ya mad.
jiman : kowe kuwe sing gobel. wis jaman merdeka. be isih bae gelem di reh nang wong. siki sing jenenge sripilan. kuwe mlebu kategori pungli alias mumpung mili. kuwe bisa diwei pasal korupsi. dadi dewek berhak ora melu aturan kuwe.
jimin : sok kaya politisi koh. ngomong be ora beres koh. pungli kuwe pungutan liar. dudu mumpung mili. gobel banget kowe loh mad. mangkane nek sekolah mangkat ya, aja kur udad udud nang pasar bae.
jiman : ehm... wis gobel, ngeyelan maning. nek jenenge pungutan kuwe berarti jukut sing dibuang. kaya pemulung kae mad. tapi nek ndadak nyadong alias njaluk. kuwe karo rumus aji mumpung. kaya preman. mumpung sepi ana wong liwat, nah dipalak. nek ora kaya calo terminal nek lagi bada.
jimin : oh ya... ya... bener kowe ya. tumben pinter ya. padahal ya ora tau sekolah ya.
jiman : memang wis keturunan wong pinter mad. ora usah sekolah be wis genah bakal dadi pejabat penting kiye mad. nek kowe lah, saben dina mangan bangku sekolah. tapi ora ngerti apa sing diajarna.
jimin : ya ora kaya kuwe mad. sesama batir dilarang saling mengejek ngapa. tapi mad, jere pak guru agama. nek infak kuwe amal jariyah. akeh pahalane. dadine aku ya pengin melu kanca batir pada infak lah mad.
jiman : lah kuwe salah maning mad. wong jenenge infak kuwe nggo wong kurang mampu. sekolah mbok duweke negara. emang negarane dewek kere apa. terus nek arep nggo infak meng guru guru. mangkat kerja be karo motor mobil koh jere kere. nek nggo bangunan, sing bangun ya pemerintah. duite sekang pajak udu infak.
jimin : cerdas kowe mad. cerdas yakinlah mad. mengko bali tak tukukna udud sigar rolas.
jiman : sorry mad. aku siki wis ora udud. merusak kesehatan. siki jamane udud elektrik. kebal kebul akeh kukuse aman sehate. siki kowe manut enyong bae mad. kuwe duit sing nggo bayar sekolah. mending nggo tuku leptop apa udud elektrik bae. genah manfaate. ora usah infak infakan lah.
jimin : oh kaya kuwe ya mad. aku melu mad. tapi apa mengko ora pengaruh meng nilai sekolahe dewek apa. terus nek ana perlu apa apa, mengko diangel angel malah. ya repot mad.
jiman : aja wedi mad. gari aplod nang pesbuk ben dadi rame. majune negara kuwe nang bocah enom mad. sing wis tua kuwe kur gari jalani sisa uripe. dewek kiye sing bakal nentukna. dewek mad. dewek. paham
jimin : iya mad. aku setuju lah. yuh meng purakerta yuh.tuku leptop sing bisa metu kukuse. dadi leptopan karo ududan. ana ora mad ?
jiman : ana mad. kae nang pembuangan sampah sing lagi diobong. gobel di ingu bae.
