awan kiye deneng panas banget ya. biasane isih ana semribit angin cepoi cepoi sing gawe adem nang awak adem nang ati. beda bae lah dina kiyelah. jebule ora mung cuacane sing panas, ternyata nang pojok warung bang sarno ya mengalami cuaca ekstrim. atine galau uripe kacau gara gara bakul cimcau. kaya kiye ceritane :
bang sarno : duh jan rukmini, deneng kowe ora gelem nyambut cintane inyong sing gede kaya bokongmu, sing putih kaya buras nang raimu. kowe malah lewih seneng karo sutris sing gering kaya giting. ujarku apa bae kekurangan menungsa aku duwe, tapi koh ya sing digoleti sing aku ora bisa duweni.
sardi tukang jahit keliling : kula nuwun bang. lagi ngapa kuwe bang ? deneng raine kaya gombalan sing urung disetrika. mritat mritut.
bang sarno : iya kiye koh bro. atine aku lagi galau merana, remuk kaya kerupuk nang mangkok soto. berat bro... berat bro...
sardi : lebay kowe lah bang.
bang sarno : serius kiye di. aku kuwe lagi putus cinta.
sardi : mesti kiye gara gara rukmini sing ora mini bokonge ya.
bang sarno : iya betul. aku wingi wis dandan mlipit, nganggo pomade obat ganteng, tuku parfum botolan tak nggo adus. terus dolan meng gone rukmini. niate nembak rukmini ben gelem dadi pacare enyong. eh... jebule cintane enyong keslempet kancane dewek koh.
sardi : lah deneng ? emange sapa sing nylempat nylempet kaya genjus bae koh. ujarkulah kowe ora duwe bala selaine enyong. kuwe be gara gara enyong melas bae karo kowe bang.
bang sarno : sih lah. bebeh aku cerita karo kowe.
sardi : lah kaya kuwe be ngambek. nek wong ayu ngambek lah patut. dadi tambah imut. nek kowe ngambek bang. ya dadi ora imut, malah dadi ora patut. ha... ha...
bang sarno : kiye arep ngece aku apa arep ngerukna curhatan lelaki galau ?
sardi : ya... ya bang. ndang cerita. tak ngerukna karo turu ya.
bang sarno : mad. aja glewean bae kowe. rungokna kiye.
sardi : iya bang. kepriwe ceritane.
bang sarno : kowe ngerti sutris sing gering cungkring kaya walang kedehe ?
sardi : iya ngerti. mbok kowe ganu nek ngapel pdkt karo rukmini ya dijujugna sutris. lah wong genah kae sing bisa numpak motor.
bang sarno : lah iya. bisa numpak motor, tapi kan ora duwe motor. mending akulah. senajan ora bisa numpak motor, tapi duwe motor. bensine kebek terus.
sardi : ya lah mad. kowe menang lah. terus kepriwe ceritane.
bang sarno : ternyata sutri sering njilih motorku. jerene arep nggo jemput biyunge kang pasar. cempuleke malah nggo dolan meng gone rukmini. dadine ya selot suwe rukmini tergondol atine. tresno jalaran soko nglibet.
sardi : dadi siki rukmini pcaran karo sutris bang ?
bang sarno : iya mad.
sardi : ya pasangan cocok kuwe bang. daripada karo rika. ora cocok babar blas.
krungu kaya kuwe, bang sarno mendelik terus sungune metu setengah meter.
sardi : eh salah bang... maksude aku. deneng tegel temen ya mad bang. kudune kan ora oleh kaya kuwe. sesama teman tidak boleh saling mendahului. apa maning menikung di lurusan.
bang sarno : ngomong apa kowe mad. gobel banget kowe loh.
sardi : ora kaya kuwe mad. jenenge kanca kuwe kudune saling bahu membahu badan. kiye malah mbrakot kancane dewek. nek kaya kiye jenenge homo homini lupus.
bang sarno : apa kuwe mad. homo deneng. ya ora homo lah. wong lanang seneng karo wong wadon. ya udu jenenge homo. lah nek kowe seneng karo wedus tanggamu, kuwe jenenge homo mad.
sardi : uh jan gobel banget kowe bang. bangku sekolah aja dipangani ya dadi pinter. homo homini lupus kuwe artine manusia serigala manusia lainnya.
bang sarno : oh... tumben kowe pinter. apa lagi kesurupan mad ?
sardi : lah apa nembe ngerti nek aku pinter ? mangkane ngimun banyu bening sing nang botol kaya nang iklan tipi bang, dadi madan loding.
bang sarno : nek rukmini kuwe ora cocok karo peribahasa kaya kuwe. sing cocok kuwe nggo rukmini homo meng mani lan fulus.
sardi : ha.... ha... cocok karo impen kuwe mad. homo meng mani sing endi kuwe bang.
sardi lan bang sarno ngguyu bareng. ha.... ha.... rukmini gobel ya mas.....
